LEGO 11506 搖擺植物登場！輕輕一推左右晃動，超療癒爆萌新寵兒！

各位返工返到好攰？又或者想喺枱頭搵返少少樂趣？留意返！仲記唔記得上次嗰隻紅到發紫嘅 10349 Happy Plants？LEGO 花藝系列 (Botanical Collection) 又有新嘢玩，今次仲識得「搖嚟搖去」！最新 LEGO Botanicals 11506 Rocking Plants 剛於月頭推出，香港官方建議零售價為 HK$169 (喺 Zero To Zero Megastore 訂購，當然會有優惠價啦！)，絕對係送禮自用嘅首選！

識得「左右搖擺」嘅盆栽？Lumi 同 Ellie 超療癒登場！

呢套嘢入面有 253 件零件，可以砌出兩款勁可愛嘅盆栽：Lumi & Ellie。Lumi 係有紫色花苞嘅露子花，襯返個淡綠色花盆，會前後搖擺。而 Ellie 係長花莖、珊瑚色花苞嘅石蓮花，粉紅色花盆會左右晃動。最搞鬼係個花盆底部用咗圓弧設計，你返工返到悶悶哋，隨手推佢一吓，睇住佢哋喺度「啷吓啷吓」，真係咩壓力都冇晒。而且佢哋同之前嘅 Happy Plants 一樣，都有嗰種抵死嘅淘氣表情，睇見都會會心微笑。