LEGO 43307 三眼仔火箭搖搖車：真．投幣上下晃動機關，超萌曲面無顆粒感！

各位《反斗奇兵》(Toy Story) 嘅忠粉注意！LEGO 終於將電影入面嘅「Pizza Planet」變成真係識郁嘅搖搖車喇！剛於 5 月頭推出嘅 LEGO Disney 43307 Alien with Pizza Planet Rocket Ride，香港官方定價 HK$529。設計上當然完美還原咗電影造型，仲要有埋真實嘅互動投幣機關，啱晒擺喺枱頭隨手轉兩吓治癒吓！

圓潤曲面設計：手腳頭部全可動嘅超萌三眼仔！

呢套 43307 一共有 714 件零件，砌好之後足足有 22cm 高。主角三眼仔 (Alien) 今次嘅造型非常有誠意，LEGO 設計師用咗大量嘅滑面同曲面積木，將平時 LEGO 嗰種「粒粒感」減到最低，完美還原佢喺動畫入面肥嘟嘟嘅身型。最正嘅係佢個頭、手臂同手掌都都可以郁動，頂頭嗰條招牌天線更係靈魂所在！

還原電影經典：真．投幣功能！轉動曲柄即刻上下搖擺！

盒組最吸睛嘅賣點，絕對係根據電影中「Pizza Planet」主題設計嘅短胖火箭搖搖車，竟然有真實嘅投幣機關，盒內付有兩枚迷你積木硬幣，等你真係可以入錢玩！入咗錢之後，只要你手動轉動旁邊個曲柄 (Crank)，成架火箭就會好似搖搖車咁「上下移動」，非常過癮抵死。

進階玩法：動手提高底座完成度！

對於鍾意 MOC 嘅 LEGO 玩家，呢盒嘢嘅底板其實留有發揮空間。小編建議大家之後可以自己加幾塊積木底板，將個投幣裝置嘅底座造型修飾得更加完整，令成件作品嘅收藏級數再昇華！

【產品資訊】

• 型號：LEGO 43307 Alien with Pizza Planet Rocket Ride
• 系列：Disney
• 適合年齡：9+
• 積木數量：714 件
• 發售日期：2026 年 5 月 1 日
• 建議售價：HK$529