《星空奇遇記》60 週年致敬！LEGO Icons 11385 1,701 片堆砌企業號艦橋！

「To boldly go where no man has gone before！」各位等咗幾十年嘅 Star Trek 忠實 Trekkie 粉絲要留意喇！ LEGO 最新發表咗極具歷史意義嘅重磅神作 — LEGO Icons 11385 Star Trek：U.S.S. Enterprise NCC-1701™ Bridge！盒組預計喺 2026 年 9 月 1 日正式上架，定價為 US$199.99 (折合約 HK$1,570)。全盒零件數特別設計成「1,701 片」，正好與企業號嘅經典舷號 NCC-1701 完全一致，完美為《星空奇遇記》問世 60 週年獻上極致驚喜！繼去年 LEGO Icons 10356 推出 D 型企業號之後，今次 11385 帶大家正式踏入原始影集 (TOS) 嘅星艦內部，科幻迷又好，LEGO 迷又好，忍唔忍到手先？

模組化雙場景設計：艦橋主控台與傳送室完美連動！

今次 11385 喺空間設計上面非常有心思，採用咗模組化結構 (Modular sections)，一次過將企業號最核心嘅兩大場景 —「艦橋 (Bridge)」與「傳送室 (Transporter Room)」完美重現！艦橋部分配備咗充滿科幻感嘅電腦工作站，螢幕上面仲顯示住敵對克林貢戰士 (Klingon) 嘅畫面，瞬間將 1966 年原著影集嗰種緊張刺激嘅星際對峙氛圍推爆。

實體可動機關玩味爆燈：搖晃艦長椅、轉盤光子傳送與升降機門

唔單止係純擺設，呢盒 Icons 套組內建咗極之豐富嘅互動機械構造！玩家可以前後搖晃卻克艦長嘅專屬「艦長椅」，模擬星艦喺太空遇到亂流或者遭遇敵艦開火時嘅震撼戰鬥場面；轉動傳送室嘅專屬轉盤，就可以將船員人仔喺傳送台上面瞬間「Beam 走」，重現經典嘅光子傳送科幻畫面；推動手壓拉桿，仲可以實時控制渦輪升降機門嘅自動開合，手感佳，玩味十足！

企業號 8 大主角全員到位：內附 4 隻毛球族與瓦肯專屬神級配件！

人仔陣容方面更加係堪稱無懈可擊！全盒一口氣有齊企業號 8 大核心主角人仔：卻克艦長 (James T. Kirk)、冼樸 (Spock）、胡玉娜 (Nyota Uhura)、蘇奴 (Hikaru Sulu)、麥哥醫官 (Leonard McCoy)、帕維爾·車可夫 (Pavel Chekov)、查培爾護士 (Christine Chapel)，同埋工程師史葛 (Montgomery Scott)。隨盒仲有埋 4 隻超可愛嘅毛球族 (Tribbles)，以及各式各樣極珍貴嘅配件，配套齊全到絕無僅有！