LEGO Icons 11387《佳節小屋》10 月上架！點亮聖誕燈，將冬季節慶氣氛昇華！

收藏開 LEGO 冬季村嘅朋友，每年一度最期待嘅時刻又嚟喇！LEGO Icons 11387 Holiday Cottage 10 月 4 日正式上架，盒組一共有 1,354 件積木，官方建議售價為 US$119.99 (折合約 HK$945)。今次作品以經典聖誕歌《Jingle Bells》作為靈感，將維多利亞式雪景大屋同埋馬拉雪橇帶到你面前，等你可以提早感受到聖誕氣氛。

LEGO Icons 11387 Holiday Cottage 佳節小屋最新消息

維多利亞式精緻佳節小屋，發光積木點亮兩層樓，發出溫暖光芒！

佳節小屋組裝完成後高逾 21 公分、寬逾 28 公分、深逾 14 公分，走嘅係極有老派聖誕賀卡風味嘅維多利亞住宅路線！斜屋頂同環繞式門廊積滿白雪，窗戶外飾有花環、金色鈴鐺與冬青枝。最驚喜嘅係，盒組居然有埋發光積木 (Light Brick)，一撳開關，溫暖嘅光芒就會由上下兩層樓嘅窗口透出嚟，夜晚開著佢擺喺客廳，幾浪漫吖！

經典《Jingle Bells》意境重現，馬拉雪橇與 4 個節慶人仔營造冬日故事！

今次 11387 喺戶外配件方面亦特別花咗唔少心思！為咗呼應《Jingle Bells》嘅意境，門口特別配備咗一個由白馬拉住嘅精緻雪橇，完美呈現雪地馳騁嘅經典節慶畫面。隨盒有 4 個以節慶造型示人嘅人仔，以及一個可愛雪人，等你可以喺門廊同雪地上安排各種溫馨嘅聖誕故事場景，令成個效果變得更加生動豐富。

復古古董傢俬藏驚喜：全家動員「一起拼砌」歡度聖誕！

打開佳節小屋嘅後方，可以探索兩層樓充滿老派氣息嘅室內空間！入面擺咗留聲機、轉盤式電話、壁爐、壁爐座鐘等古董傢俬，屋內每個角落仲有好多唔同嘅節慶物品：拐杖糖、聖誕禮物、聖誕襪、南瓜批等，細節位點止 100 分。配合埋 LEGO Builder 應用程式嘅「一起拼砌」功能，一家人或者同成班老 Best 可以分工合作，一路拼砌一路感受濃濃嘅佳節氛圍！玩開呢個冬季系到嘅朋友，你又點忍得住唔擴建一下呢？